FAOk Tokiko nekazaritza-produktuen kontserbazio eta erabilera jasangarrirako borondatezko Zuzentarauak argitaratu ditu.

Gaur egungo elikadura-sistemen ezaugarria da nekazaritza-ustiategietako laborantza eta produktuak gero eta uniformeagoak direla. Jasangarriak izateko, nekazariek genetikoki desberdinak diren laborantza eta produktuak landatu behar dituzte, euren agroekologietara, ekoizpen-sistemetara eta azken erabiltzaileen lehentasunetara egokitzen direnak.

Laborantza jakin bateko tokiko nekazaritza-produktuak anitzak dira genetikoki, eta hazten diren ingurumenera egokitzeko gaitasun handia dute. Produktu horien kudeaketa dinamikoak (ekoizpen-erregimenekiko esposizioa, inguruneak, nekazarien hautaketa, eta hazien kontserbazio- eta truke-sistemak barne) etengabe eraldatzen den aniztasun genetikoari eusten dio.

Maiz, lehentasuna eman zaie toki mailan garrantzia duten balore kulturalekin lotutako ezaugarri agronomikoei eta sukaldaritzako ezaugarriei, eta horrek ekarpen handia egiten die elikagaien eskuragarritasunari, landa-inguruko iraute-baliabideei eta klima-aldaketaren aurkako borrokari.

Zuzentarauetan gomendatzen diren ekintzak askotarikoak dira: nekazaritzako baliabide fitogenetikoen identifikazioa eta dokumentazioa, benetako erabileren eta erabilera potentzialen mapaketa, informazioaren horniketa, nekazarientzako eta tokiko komunitateentzako laguntza, kontserbazioari eta erabilera jasangarriari dagokienez.

Voluntary Guidelines for the Conservation and Sustainable Use of Farmers’ Varieties/Landraces-FAO